近年不少駕駛者均會上載車Cam片至駕駛群組，用作討論駕駛技術。

以往大多數影片均是有私家車司機涉嫌危險駕駛，

被上載至網上討論，

惟近年不時影片顯示有人駕駛警車時疑違反交通規例。

網上瘋傳一段影片，

一輛私家車前晚（9月1日）駕駛至大老山隧道收費廣場時，

遇上一輛警車突然於收費站前違法越過雙白線，險些與私家車發生碰撞。

事件隨即引起網民討論，不少人直斥警員涉嫌危險駕駛。

《蘋果》接觸到車Cam片主郭先生，

他指當晚11時55分正駕車，載著懷孕的妻子，

於沙田大老山隧道往九龍方向行駛，打算於自動繳費通道通過收費站。

惟當他駛近收費站時，一輛警車本來在人手收費行車通道行駛，

卻突然急速切過雙白線，從他車頭右前方切線衝來，險象環生。

電光火石之際，郭先生已無法未能及時剎車，

幸他仍有反應，及時選擇扭軚把車駛左邊行車線，

最終勉強避過與警車相撞，未致造成交通意外，

但他妻子已受驚大叫。

事發後，郭先生立即停車，

禁不住破口大罵，

「係咪癡ｘ線㗎，差佬（警察）大哂呀？」

雖然警車亦有停車，

惟不足數秒便立即駛離，

警車上未有任何警員打算下車瞭解情況，

「坐喺副駕駛位個警員只係望咗我一眼，冇人打算落車」。

他坦言當時情況非常危險，自己正接載懷孕妻子，

警車突然切線亦令太太受驚尖叫，

兩人回家後亦久久未能平復心情，

太太更一度出現腹痛，

幸好最終並無大礙，腹中胎兒未有受影響。

他直斥該名駕駛警車的警員沒有安全意識，

「一定冇望鏡，仲要Cut雙白線」，

再加上警車未有亮起警號燈，

「佢冇閃燈，即係唔係做Operation（行動），如果佢係做緊嘢閃咗燈，我就及早見到啦」。

他指，希望警方徹查事件，並對涉事警員作出處分，

「希望佢哋檢討嚇，佢哋應該要保護市民，但而家佢係傷害市民」。

不過，由於當時事出突然，

他未有記下涉嫌危險駕駛的警車車牌號碼，

而車Cam亦未能拍下清晰的車牌號碼，

令他投訴無門，

「就算我舉報都要提供車牌號碼，但係車Cam影唔到，我哋小市民都冇方法去拎隧道收費站嘅車Cam」。

他又擔心即使找到涉事警車車牌號碼，

以今時今日的香港律政司亦可能對警員撤控「放生」。

由於以往有人違反交通規例均由警方協助處理案件，

有網民不禁提出疑問，

究竟警員駕駛警車時違反交通規例，

警方會否嚴正處理？

《蘋果》正就事件向警方查詢。

source: appledaily

以上為backup 及轉載用途