分手近4個月 金剛療情傷撻著台星大方認愛 小嫻失婚5年為男友打開心扉

本站副編(三) 2020/08/18 檢舉 我要評論

39歲金剛今年4月同台灣「國光女神」梁雲菲突然喺社交平臺宣佈分手,之前成日放閃嘅佢哋真係跌爛咗唔少網民嘅眼鏡。

(金剛IG)

事隔差唔多4個月,今日爆出金剛撻著台灣女星小嫻,2人戀情啱啱萌芽,金剛就未有好似上次咁高調放閃,不過知情人士指二人喺墾丁出雙入對,非常Sweet呀!

(小嫻Facebook)

金剛4月份被撇後到墾丁衝浪療情傷,而咁啱新女友小嫻5月份到墾丁體驗餐廳「打工換宿」,金剛同小嫻咁啱係同一個衝浪教練,2人年齡相若又有共同興趣又都喜歡運動,結果一拍即合,火速過電。

(小嫻Facebook)

(小嫻IG)

金剛事後大方認愛,佢指自己原本同小嫻係喺墾丁先認識,而且我們又有共同朋友。佢表示小嫻啟發咗佢新嘅「人生觀」,雙方想法都好契合,而且同樣熱愛自由同運動。

(小嫻IG)

(小嫻Facebook)

小嫻亦證實與金剛交往中,大方表示同金剛相處得好開心,互相照顧幫忙。曾經失婚嘅小嫻表示自己已經單身咗差唔多3年,所以要勇敢啲踏出呢步。」小嫻亦唔介意男友上一段戀情,大方指每個人都有過去。金剛同小嫻都一致表示依家一齊好開心,對未來結婚與否嘅事冇諗太多。

(小嫻IG)

相關新聞:

形象陽光小嫻同金剛以往幾個辣妹女友「叛逆形象」大相逕庭,不過身材都係一樣咁Hot。現年40歲嘅小嫻飽受情傷,2017年同台灣籃球明星前夫何守正結束5年婚姻。當時曾有傳因為小嫻天生冇子宮,無法為男家傳宗接代以致婚姻破裂,男方喺離婚聲明中否認,小嫻離婚聲明中就指:「我真正願意簽離婚協議書的原因就是『尊重』及『接受』你不愛了的決定。」小嫻直言離婚後自信心下降,總係患得患失,幸得朋友嘅關心問候,先慢慢開始釋放自己。

小嫻與前夫(網上圖片)

source:  skypost

以上為backup 及轉載用途


用戶評論