楊明日前涉醉駕被捕，現正保釋候查。

今日莊思敏外出遇到傳媒追訪，她表示楊明在她的家中暫住，

「佢哋(楊明與莊思明)兩個喺房，我喺自己房，冇見到面。」

問到楊明是否飲了酒，莊思敏表示不方便代楊明回答，

一切待對方自己回應。

其後再有記者追問楊明是否醉駕，或代他澄清，

她說︰「唔方便講，冇瞭解。」

最近榮升做太婆的黃夏蕙，

在社交平臺公開教訓楊明︰

「身為公眾人物，疫情期間有燉湯唔飲，去飲酒，仲要玩醉駕！咪搞到個社會添煩添亂！我身為長輩，擺明係正面教訓你！下次唔好咁曳啦！」

不少網民笑言「抽到太平洋都乾」。

日前深夜在半山馬己仙峽道發生交通意外的楊明，

事後被警方以涉嫌「拒絕提供血液樣本」拘捕，

正保釋候查。

而事發當晚「連企都企唔穩」的他，需要由多名警員攙扶上車，

片段在網上瘋傳，令外界懷疑楊明涉嫌醉駕。

作為大台「親生仔」的楊明，事後接受《東張西望》訪問為自己澄清，

「我記得首先係搶一搶軚，再一手軚撞去石壆」、

「點樣撞、點樣停，我都唔係好清楚」，

對於被指懷疑醉駕，楊明則「避得就避」，

「睇返啲報道話飲咗酒，要人扶，拒絕酒精測試，

其實當時我撞完車比較暈，狀態唔係太清醒，做唔到測試，

啲警察嗰刻係想救我出嚟，因為係我部車喺山邊，想將我送去醫院先。」