日前就有網民瘋傳城城與千嬅為《東張西望》做的訪問片，事關片中城城竟大膽當面力踩楊千嬅︰「好醜樣！眼袋好大！」究竟發生咩事呢？就在訪問期間，城城突然當面「力讚」楊千嬅：「銀幕就係要睇到你隻眼袋，跌到落嚟啱數喇！嘩！楊千嬅好醜樣。」然後補充一句︰「啲觀眾話『楊千嬅眼袋你睇下幾大啊！嘩！個眼袋好大啊！你睇下佢，好似冇瞓覺咁，好殘啊！』」

不過事後城城都有補充：「啱喇，就係要呢個狀態，你入嚟我哋呢個無家者之家，唔該你個樣，我就係唔要你（而家）呢隻（靚樣），唔要你咁亮麗。」
其實在城城講到第一句︰「楊千嬅好醜樣」時，楊千嬅已經有點尷尬，來不及反應，但就在城城講到︰「楊千嬅眼袋幾大啊」時，楊千嬅終於反駁澄清：「唔係喎！我想同你講我係特登變肥同變醜喎！」再有點傷心補上一句：「你著到好靚演不到這個角色。」更笑指自己差點回不去以前的樣貌。 城城隨後講到今次拍攝加深認識戲中的各路人物，令自己更加珍惜生命。他又提到電影有不少母子情節，而早前媽媽的離世正令他大有感觸，城城說到這裡更一度哽咽。

再問及他最鍾意哪一場戲時，他回應每場都好鍾意，定要揀選的話會是最後一場坐巴士的戲份，這刻城城再度哽咽：「當一個人已經冇曬希望時，但同時又種下一些東西，自己年紀愈大愈感性。電影中要演繹到自己很堅強，現在翻看都頂唔順，真係好難過，唔識講，等觀眾感受一下。」城城最後都有講到希望疫情快點過，大家要健健康康做好所有防護、戴口罩、洗手等等，疫情過後各行業都蓬勃，做自己想做的事，珍惜眼前人。