岩岩同女朋友食飯，坐低無耐，隔離有一對男女坐低。

開頭都冇咩點留意佢哋，因為都以為佢哋都係朋友或者情侶之類。

點知冇幾耐我聽到個男仔話。

「你估下我有幾重」 




(示意圖，非本人)

我同女朋友搞9秒9望過去。其實個男仔望落去係超瘦，目測170 cm。(後尾佢走既之後𥄫到)

「之前整親條腰，低過49kg」

條女窒咗窒，因為條女個身型都接近河馬級。

之後河馬一路都唔係好想show瘦仔。

瘦仔 「你係做邊行架？」

河馬 「美容」

瘦仔 「咁係做d乜架？」

河馬 「都係嗰啲啦」

好awkward… 



(示意圖，非本人)

當佢哋互相分享工作上嘅嘢嘅時候，瘦仔係咁chur河馬，叫佢講點解唔鍾意d同事。

河馬 「

真係唔想講，係一啲好差嘅經歷，有陰影」

瘦仔 「其實你唔使咁抗拒，可以放心同我講。」

河馬 「

唔呀 唔講」

好彩啲野食到，先至氣氛緩和返啲。

跟住一路都係永遠瘦仔講，河馬繼續自己食，無理佢。

直到河馬食完跟住帶返罩，瘦仔其實食到一半咋。

瘦仔 」想走嗱?」

河馬 「係呀

，聽朝番8點!」



(示意圖，非本人)

瘦仔終於忍唔住。

瘦仔 「其實你係唔係真心想出黎識朋友？我唔係想屌柒妳，不過你個樣又黑曬口面 

」

河馬 「我係真係想出嚟識朋友，隨緣啦，隨緣啦。」

瘦仔 「其實你係咪出親嚟都係咁樣？」

河馬竟然揮舞支支叉

大大聲話 「梗係唔係啦！隨緣啦，隨緣啦。」

好尷尬…. 




(示意圖，非本人)

最尾埋完單，瘦仔同河馬企喺門口㩒電話個計數機，仲要找埋散紙。

完美示范 first date 可以出錯既野都全部錯曬 

河馬漣漪圖:









(示意圖，非本人)



(示意圖，非本人)