「同我開一枝82年lafite」呢句野應該係人都聽過，後來變成高登年代「82年百事」既潮文
呢句野印象中好多港產片都有出現過，但其實係源自邊套戲，點解會變成一句經典對白呢？我前幾日訓唔著無啦啦諗起呢個問題
有問題，就當然要自己google求其google search，就會搵到呢張圖：
呢個網亦都講得好清楚，話「82年lafite」呢句野係出自發哥係《賭神》既對白：
連世界上最有公信力既《人民網》都係咁講：
但件事如果咁簡單，我就唔洗開post啦
我見到個個都話「82年lafite」係出自賭神，就去睇下賭神發哥係咪真係有咁講
但係無既，屌你老母
我仲專登搵上面張圖，背後有幾個人拎住張銀紙個幕（即係一開頭發哥同日本仔對賭），Loop左十幾廿次，終於比我搵到呢一幕既場景：
睇5:26
呢一幕同第一張圖比較下，就見到後面幾個人既姿勢係一樣，合理推測係同一幕黎。
但發哥根本就無講野，即係句對白係後加上去既
網上面亦流傳另一張圖，亦都係發哥係賭神入面既畫面，同一句對白，但背景有少少唔同：
呢一幕事實上係咁既：
7分18秒：
咁問題就黎喇，既然呢句野唔係出自賭神，咁點解咁多人流傳呢句對白係出自發哥，仲要改圖改到似層層咁呢？
我推測有可能係，大陸呢幾年好多人買紅酒，咁D紅酒商/KOL為左搵錢，將D假酒倒落去「82年lafite」酒樽度（真既已經飲哂啦應該）。為左呃人買，所以就用集體回億。當年大陸好多人睇過《賭神》，鍾意發哥，就改圖誤導人發哥有講「同我開一枝82年lafite」，令人想去試下枝野係點既
雖然係咁，但我都係想問呢個問題：既然「同我開一枝82年lafite」唔係源自《賭神》，咁係出自邊一套港產片既呢 ?
用戶評論
