日本連鎖店驚安之殿堂（驚安の殿堂）DON DON DONKI登陸香港逾1周年，至今已有5間分店落實，早前日本官方預告的第6間分店位址終於曝光，DON DON DONKI落實進駐小西灣藍灣半島商場藍灣廣場。

地產站根據EPRC（經濟地產庫）資料顯示，小西灣藍灣半島商場藍灣廣場1樓其中一個舖位，錄得租賃成交，租約期為今年9月至2025年9月，租約期長5年，而登記租客為「泛亞零售管理（香港）有限公司」，即驚安之殿堂DON DON DONKI的香港公司，料為第6間分店。地產站已向官方查詢，惟截至晚上8時半未獲回覆。

市場消息透露，DON DON DONKI香港公司過去多月一直在港島東尋覓舖位，包括北角等地區。

資料顯示，藍灣廣場屬於信和旗下商場，分3層設計，包括UG、地下及1樓，而是次DON DON DONKI承租的舖位屬於1樓位置，料為全商場最大。

目前驚安之殿堂DON DON DONKI目前已經有3間開業，包括銅鑼灣、尖沙咀、荃灣，至於中環及將軍澳分店預期有機會年底前開業。

驚安之殿堂DON DON DONKI落戶藍灣半島 東區人：個位咁偏...

日本連鎖店驚安之殿堂（驚安の殿堂）DON DON DONKI登陸香港逾1年，於香港第6間分店地址終於曝光，將落戶於小西灣藍灣半島基座商場。有網民就指，地區街坊群組傳得「似層層」，但印象中藍灣廣場人流未見暢旺，「有咩可能會開係個到？」

一眾網民就集思廣益，紛紛推測第6間分店位置，指「點都好 開多幾間分流下都好 」，只少有東區居民會去，銅鑼灣店至今仍然排長龍，為港島居民提供多個選擇也是好事。有網民就指，Donki價錢較一般超市貴，港九新界各開一間其實已夠，現時開到周圍都係，根本無人行。

網民點睇？

哇X

講真港島同九龍旺區 2間 得閒行下過下癮就夠
價錢離曬地 根本取代唔到百佳惠康aeon

D.LXXX

如果佢開係藍灣 真心成個東區既人都會去啦
本身最近都要去銅鑼灣 但果間又長期多人到西咁
加埋實平租過係太古開 點會無得做

阿X

去一次已經唔想去, 得一條路行, 我又行得快, 前面塞住哂

阿茲特克XXX

如果佢做到超市咁去經營又唔係咩無可能既
仲有柴灣一帶既消費力都吸到 反正果邊都無乜焦點消費地方

小X

咁荃灣西個住本來都唔方便啦，開左自然就有人流去

煙花X

我唔熟柴灣
但係我記得有好多巴士都係嗰度總站
所以可能幾方便下
點解大西北冇donki
我大西北居民覺得慘

與你一起XX

如果夠平租我覺得唔出奇, 太古康怡各有大超市已經飽和, 如果開藍灣可以盡攬筲箕灣至小西灣D客, 同埋最緊要D客大部份都係會幫襯, 問心銅鑼灣果間有幾多對情侶係純粹無野做入去嘆冷氣行

Source: hket

以上為backup 及轉載用途