張寶兒四千萬嫁妝再加碼 袁偉豪:佢係我幸運女神

本站總編 2020/09/21 檢舉 我要評論

39歲袁偉豪與28歲張寶兒相戀三年,前日在社交平臺公佈喜訊,將會拉埋天窗。原來去年九月,他已經求婚成功,「底褲大王」外父更豪擲四千萬,給二人作首期買清水灣傲瀧超豪愛巢。由於張父在該屋苑共有四個物業,有指將會送多個單位給女兒作結婚禮物,張寶兒笑笑口對本刊說:「要到結婚先至知喎!」

女友有米又就得人,難怪袁偉豪高呼:「佢係我嘅幸運女神!」

袋四千萬做傲瀧首期

張父早於今年五月,已經「預支」四千萬嫁妝,事關袁偉豪與張寶兒以首置聯名形式,斥資6,568.3萬元購入傲瀧一個花園複式單位,實用面積2,205平方呎,連568平方呎私人花園,呎價近三萬。二人再擲多四百萬買入兩個車位,連樓價合共約七千萬。


袁偉豪近年才升上一線,而16年選港姐入行的張寶兒則仍在起步,就算新居以借50%按揭成數,還款期廿五年,月供要約十五萬,可能供樓也要外家幫一把了。

張父擁男士內褲品牌

張寶兒家底厚,其父張煌煌早年做成衣生意起家,八十年代於香港開設紡織廠,後來將總部遷往大陸。十多年前,他在中山已有數萬呎廠房,員工近千,主力生產男士內衣褲。

肥水不流別人田,10年他更創立自家男士內褲品牌「SIMKI」,每年生意額高達數億元人民幣。他非常落本宣傳,請來外籍肌男,於內地舉行大型的底褲騷,劉愷威和向海嵐亦是席上嘉賓。


單在香港,張父已有七個豪宅,包括三個跑馬地禮頓山單位及四個傲瀧豪宅,總市值合共約三億元。

昨日接受本刊訪問時,待嫁張寶兒心情極靚,對於父親在傲瀧有四個物業,她笑稱:「爸爸嘅嘢,最好問番爸爸,哈哈哈……(有指會畀一個單位你哋,當結婚禮物。)呢個真係唔清楚,要到結婚先至知喎!」

講到愛巢,她表示:「新屋仲裝修緊,呢段時間有好多嘢要安排,總之我同阿Ben(袁偉豪)個衣櫃都要盡大。」


可會預留房間給小朋友?

她想一想說:「其實間屋本身已有固定間隔,呢啲到時先安排,反正所有嘢都鬱得,冇問題嘅。」

袁偉豪形容女友是一個「開心寶貝」,大讚張寶兒不會約束他,反而令他更珍惜對方。

「佢放開唔管,會令到你好聽話,會覺得呢個女仔好遷就你,所以你要對佢更好。」他說。

袁偉豪更大讚女友帶給他好運,例如為《歡樂滿東華》錄影飛車環節時,試了幾次也不成功,直至寶兒突然出現,他就順利完成了。

「同事笑佢係我嘅吉祥物,都係我嘅幸運女神!」他說。

張寶兒有米又性格溫柔,袁偉豪絕對是交上好運。

用戶評論