【阿B真身曝光】35歲靚媽KOL Macy認與細So有不倫戀

本站副編(五) 2020/09/03 檢舉 我要評論

前商台DJ蘇耀宗(細So)被踢爆背妻出軌,前年偷食KOL「阿B」,二人孽緣直至今年6月才斬纜,但雙方拉鋸期間,阿B更染上HPV病毒 ... 據《蘋果日報》報導,細So偷食女主角真名叫練美施(Macy),現年約35歲,和細So同樣是有家室的人,她和老公育有兩個小朋友。

在Macy的 IG 中,放有不少靚相,眼大鼻高面尖尖的她,即使生了兩個小朋友,身形保持纖瘦皮膚白滑,難怪被細So睇中,對她展開瘋狂追求。不過,昨日爆出細So偷食後,Macy隨即將IG賬號由公開轉做private,到今晚約9時,更索性移除賬號,以防身份曝光。

Macy憑著索媽姿態,近年在網上開設了facebook和IG專頁,經營童裝和首飾生意,她更做生招牌和fans分享心得,吸納大批fans。Macy在16歲放棄學業開始工作,做過傳銷、時裝店sales,2006年底,當年21歲的她向家人借錢,湊合10萬元,在旺角聯合廣場開設首間店舖,出售本地設計及生產的時裝,高峯期更開設5間分店,月賺數十萬元,直至最近她才專攻網上生意。

《蘋果》今晚就偷食事件,以電話訪問Macy,她承認自己是偷食女主角,對於自己和細So這段孽緣引起全城關注,她爆喊指自己不是如大家所想是玩家態度,對細So的感情是認真的。「我同細so唔係玩,係認真!雖然經歷咗咁多唔好嘅事,但我覺得佢(細So)係真心愛我,我堅持信佢,所以呢段關係先至可以維持咁耐。」

用戶評論