男朋友話女仔俾人強x係抵死!

本站副編(二) 2020/09/28 檢舉

我係21歲絲,同男朋友喺大學認識,依家一齊咗差唔多兩年。

事源係上年十二月嘅一個夜晚,男朋友同我講要去中同屋企聚會,4男3女,其中有一對係情侶。嗰日佢有send大合照比我睇,而屋主同我地讀同一間大學我又有佢ig,我就順便喺佢post出黎嘅合照相follow咗佢tag嘅其他人。嗰日男朋友大概十二點幾就返咗屋企同我facetime,聽佢講仲有四個人喺嗰度繼續飲,我就好開心佢肯乖乖返屋企同我傾計。



原本都冇乜野好快就唔記得咗呢件事,但今年四月男朋友突然同我提返,話嗰日佢同對情侶返咗屋企之後剩返2男(屋主同男A)2女(女A同女B)繼續飲,飲大咗冇力返歸就住埋落黎。男A由中學已經暗戀緊女A,見到佢留低都唔想走,聽講女A好似都對佢有好感。後尾大家瞓死咗,但男A唔知咩事就走咗去女仔間房強X咗女A,之後女A痛醒咗出咗好多血但唔敢出聲,第二日男A仲厚面皮同佢表白問可唔可以拍拖,女A拒絕咗。


呢啲都係男A自己喺之後講嘅,男朋友話已經有成十幾個人知道咗呢件事。我唔明佢點解自爆仲要咁自豪,我覺得好恐怖。我好擔心個女仔,於是就喺ig dm問佢係咪真係發生咗呢件事順便話男A已經爆咗比好多人知,雖然係第一次同佢講野,但透過佢嘅文字我已經可以感受到比人侮辱同玷污嘅嗰種絕望感……即使過咗差唔多半年個女仔都冇將呢件事同任何人講過,仲要唔知好多人都知道咗呢件事,冇人願意出手幫佢,冇人譴責過男A……


我問男朋友點解你仲可以繼續同男A做朋友?唔係應該報咗警先咩?佢話女A嗰陣對男A都有好感,男A覺得做咗就可以增進感情更容易去表白成功,女A唔反抗咪比人X咗。佢唔明點解兩個互相中意嘅人做完之後唔可以喺埋一齊,仲話女A唔識珍惜,男A明明中意咗佢咁多年咁深情嘅好男人都唔一齊,比人屌都係抵死……


我真係覺得好恐怖好心寒,點解比人強X嘅受害者反而要受到其他人嘅譴責?施害者仲要毫無悔意將呢件事睇成一種榮耀,真係好恐怖好可怕……個女仔話因為x道撕裂睇咗兩個月醫生先好返,又因為呢件事變得好驚男性要睇心理醫生,但佢又唔夠膽報警驚比人笑自己汙糟。


過咗咁多個月男朋友都係繼續同男A有來往,完全唔覺得佢強X人有錯。我同佢溝通過好多次都冇用,仲鬧返我女權撚……雖然佢平時好關心我好愛我,但越黎越覺得心寒,點解要包庇強X犯?點解可以咁輕描淡寫咁講呢件事?你地嘅良心究竟去咗邊?咁就摧毀咗一個好女仔嘅心靈同身體,你地唔係都係加害者咩?

我好想同佢分手,好想幫女A鬧醒佢……點解呢個世界咁唔公平……

來源:instagram.com/couple.murmur/

X
檢舉
請使用真實的郵箱如無法和您取得聯繫我們將無法對您的檢舉進行處理