劉德華疑誤傳未PS照片急刪走 58歲「真相」曝光

過人君 2020/07/01 檢舉 我要評論

劉德華一向對粉絲疼愛有加,早前端午節他在官方後援會網站「華仔天地」發文祝粉絲節日快樂,當然唔少得附上一張靚仔相,不過這張照片很快便遭刪除,有粉絲趕及截圖,發現背後原因相當可愛。

華仔疑誤傳PS前照片(左),1分鐘未過立即換相。(網上圖片)

新一張係無敵側面。(網頁截圖)

早前華仔在「華仔天地」出Post,以「端午安康」為題,留下一句「每逢佳節倍思親」,附加靚仔相一張。睇落冇咩問題,但相片很快被換走,變成另一張側面相,一樣咁有型。有眼利粉絲趕及截圖,笑華仔疑似手誤上載未執相的照片而急急刪相。

重溫華仔歷年帥圖

華仔日前進行線上直播,與粉絲一同慶祝「華仔天地」創辦32周年紀念,席間他提到過去一年因生病和疫情而被迫取消個唱,歲月如梭發現自己眼角多了皺紋及長出白髮,但其實以華仔58歲之齡,身材與樣貌都Keep得十分好,兩張相都咁出色,粉絲一定唔會介意,但他出名力求完美,當然想將自己最完美的一面給粉絲看。

用戶評論