【突發】龍門自爆:人渣哥捐十萬？我跟，再大返你四十萬！Total 五十萬！

你哋班「鬥黃店」、分化L成日屈我、唱我無幫過手足
依家我就擺張50萬入數紙出嚟以正視聽
證明我今年1月10號捐咗錢畀手足團體
資助佢哋買「文具」兼去「台灣旅行」
（當時1月仲係打緊仗
唔該你哋唔好老屈已經疫情緊無仗打）

你哋唔駛再講啲廢話
「乜嘢睇唔到收款人係邊個」
收款人係邊位黃店老闆你哋圍來都知
有啲仲同佢好老友嘅！
如果張單係假，又或者我無畀過錢手足嘅
我不得好死，橫屍街頭！

仲有我想提醒你哋班黃店
唔係個個幫完人都要大鑼大鼓
吹噓自己幫咗人
唔該唔好當自己參加緊歡樂滿東華

電視箱出現自己名時就以為自己做咗好多嘢！
捐錢呢啲事其實只係好皮毛
我亦都認為唔需要好似你哋班黃店咁
一捐完錢轉頭就放上網打卡
然後公開揶揄一啲無公開表明捐咗錢嘅餐廳

但既然你哋咁醉心於鬥黃
就一於鬥到底
我仲有成疊捐款入數紙喺手
依家我就一於同你哋鬥盡佢！

仲有，點解我選擇依家自爆
係因為我寧願俾黑警拉我去坐監、整死我、告我「洗黑錢」
我都唔要俾你哋班「鬥黃店」每日喺毫無證據之下
開POST兼出書去抹黑、人身攻擊！

你哋呢半年喺出面嘅所作所為
點樣笑我嘅員工俾人襲擊

點樣聯絡我嘅員工，再出錢引誘佢哋抹黑我
大 家 心 照 ！