網民: 唔明香港男人 搵個1萬2萬學人結婚生仔?

本站總編 2020/08/25 檢舉 我要評論

首先講下自己背景,小弟今年28,只是一個月入18K既小型公司的會計文員,
自己份工每日朝9晚10,完全無時間進修考試,將來事業前景一片迷茫...
現在只是和父母住公屋,仲未有物業...

最近幾年,好多親朋戚友都問我點解唔拍拖,
我心諗,拍得拖就預左認真同個女仔發展,for自己而言,同得個女仔拍拖,對方一定要係結婚對象,

絕對唔容許自己拍散拖..

自問又無本事,經濟能力又差,萬一拍幾年拖就結婚,
將來禮金,擺酒,旅行等支出,無三四十萬都走唔甩,
仲未計買樓首期...要承擔以上的所有費用,簡直是天文數字..

好多人會咁諗,呢d野當然兩個人一齊捱,一同建立,
但事實上,現今八九十後的女生,根本無可能一齊捱苦,
換著你是女生的父母,相信都唔容許自己個女,結婚後生活仲差過做女兒果陣,
要嫁出去的,一定要嫁得好,生活質素要比之前高...

以自己目前的收入,不但無信心將來再有上升空間,仲好擔心公司有咩e鬱,
到時出到去人工大減一半,若我結婚後,收入突然大幅減少,
我相信另一伴,一定會對我有所不滿,覺得我無用,離婚是必然發生的事情,
到時又要比人分身家之類。

以上種種原因,是自己決定一世單身的原因,
最起碼單身可以好快咁儲到錢,一路儲錢一路投資收息藍籌,過多十年八年,
已有好豐厚的積蓄..



其實話時話,我真係唔明d點解搵得少既男生,或一d無經濟基礎的學生,
佢地仲要咁有勇氣去拍拖,有d仲大膽到結埋婚?




用戶評論