周庭BB出PO: 屋企門口有好多可疑男人捕住

本站總編 2020/08/09 檢舉 我要評論

【好多個可疑男子由朝到晚企喺我屋企附近,仲要不斷影我屋企】

啱啱出街拍拍下youtube片,有人通知我,

原來今日有好多個可疑男子,由朝早到夜晚都企喺我住緊嘅屋苑閘口出面。

好似輪班制咁,四個人等左幾個鐘,然後有架車接佢哋走,

再換另外三四個男人嚟,行蹤相當奇怪。

我住喺鄉郊地方,平時屋苑附近都唔會有人,

一有人就會好明顯,而呢幾位可疑男子,

今朝開始就一直企喺閘口前,好似等緊人咁,去到夜晚,

又有幾個男人嚟換班。唔單止係等,仲要係不斷拎起手機影我屋企。

住左喺度廿幾年,咁嘅情況真係第一次,

我想講,我做嘅事光明正大,唔該唔好用啲咁低級嘅手段啦。

好多人問我驚唔驚,咁多個男人咁樣明目張膽捕住,

仲要影自己屋企,我話完全唔驚都係呃你。

係有啲驚,但我只會做自己相信嘅事。

白色恐怖無處不在,大家都要萬事小心。

用戶評論