英籍大sir：香港警隊仍是「亞洲最佳」 「香港警隊還和以前一模一樣，傳統、規管、制度都沒變。」

反修例風波令香港警察嘅執法行為引起爭議，

近日中國與英、美等國家關係緊張，

官媒新華社噚日就刊出專訪，

由英籍香港警察去大讚香港警隊仍是「亞洲最佳」，

服務警隊26年嘅水警港外區副指揮官汪偉諾話，

警隊中所有外籍警察都有一個共同點，

就係將香港當作自己嘅家。

汪偉諾話，

香港警察獲稱「亞洲最佳」嘅特質從未改變：

「香港警隊還和以前一模一樣，傳統、規管、制度都沒變。」

警務處水警港外區副指揮官汪偉諾（圖）接受新華社訪問時，大讚香港警隊仍然係「亞洲最佳」。（新華社）

喺香港出世嘅汪偉諾喺訪問中話，

佢1994年加入警隊後先有呢個中文名，

而佢爸爸都係香港警察，

所以細個就夢想著追隨爸爸嘅腳步，

佢眼中嘅香港就係屋企。

佢話見到前線同事喺反修例風波中不分晝夜維持治安，

卻備受責難；市民連出門都擔心安全，

令佢感到前所未有咁痛心，

話希望香港早日恢復原貌。

新華社訪問形容，

香港警隊對呢班外籍警察十分認可，

特別係去年反修例風波中，

呢班外國人捍衛香港時「專業勇敢，無懼無畏」。

source: mingpao

以上為backup 及轉載用途