【慘慘】入U被分手 初次俾咗佢 一次外x有咗BB

本站副編(二) 2020/10/05 檢舉 我要评论

[長文慎入]
我20,Asso升上U,Ex大我7年,係社會人士,番part time識既。
我暗戀左佢好耐,今年年初表白,終於一齊左。
佢係我既初戀,我以前未拍過拖,唔知要點做,再加上真係好鍾意佢,所以咩都就哂佢,有時就算唔開心都唔敢同佢講,怕會煩到佢,只會自己偷偷地喊完就算。



我地一直都相處得幾好,平平淡淡,就算疫情搞到冇地方好去,我陪住佢打下機都好開心。
但就喺9月頭啱啱入U既時候,佢提出分手,佢話佢其實冇真係鍾意過我,只係覺得我好乖,而佢又玩夠,想安定先同我試下,但發現真係唔得,所以唔想一直拖住我。
其實我一直都feel到佢唔太鍾意我,所以雖然我真係好愛佢,但都接受左和平分手。


之後我一直都好傷心,日日以淚洗面,冇咩精神,成日好攰,加上依家online上堂,爸爸媽媽都要番工,屋企成日都冇人,我就開住電腦唔上堂,喊到攰就訓,訓醒繼續喊,後尾醒起自己原來成兩個月都冇嚟M(本身嚟M唔準,所以冇咩理),搵驗孕棒驗到兩條線。
當初拍拖唔夠兩個禮拜就將第一次比左佢,之後keep住都有做,都做足安全措施,唯獨有一次,佢冇帶套,但最後外射。點知就係呢次,令我意外有左。


當時我好驚好徬徨,我想去睇醫生,但唔想比屋企人知,身邊又冇咩知心朋友,於是我鼓起勇氣打比佢,希望佢陪我去驗,佢都有盡責出嚟陪我,確定有左之後,我忍唔住喊左出嚟,可能係出自內疚或者不忍,佢攬住我不停同我講:「冇事既冇事既」,但佢都冇辦法對我作出任何承諾。冷靜落嚟之後,佢問我打算點,我話我唔知,我需要時間去諗。

之後既一星期,我一直喺度諗,就算佢真係負責任同我結婚,但佢唔愛我,個BB生出嚟會唔會幸福?
如果我堅持生佢出嚟,做單親媽媽,我一個學生又養唔養得起佢?
我知道我其實冇權剝奪個BB既生存權利,而且,如果我唔要佢,我會一世內疚。
但我有冇決心承擔佢以後既一生?
我知道我要盡快決定,但我實在太無助,之後我同佢傾,佢話無論我點決定都好,佢都會諗辦法支持我。雖然佢唔可以愛我,但我知道佢已經嘗試盡佢既責任。


可能係我潛意識既關係,我一路感受到有個小生命喺我身體入面成長,又發夢夢到有小朋友對我笑,我越嚟越想生佢出嚟。但我想同屋企人傾左先,就喺我猶疑緊要點同屋企人開口既時候,突然覺得肚痛,又發現底褲出現鮮紅血跡,於是叫埋BB爸爸去陪我做檢查。

檢查結果係,我已經流產。
醫生話早期流產好常見,有好多種因素,確實原因好難得知,有機會係我本身有長期病,體質又差既關係,但我既病都已經冇影響生活,點解可以咁兒戲?
內容未完結點擊第2頁繼續瀏覽
用户评论
X
檢舉
請使用真實的郵箱如無法和您取得聯繫我們將無法對您的檢舉進行處理