男友去叫雞唔戴套 生椰菜花唔俾我去醫!

本站副編(二) 2020/09/23 檢舉 我要評論

文筆唔好請見諒。希望大家話我知係咪我有問題。

背景:我二十幾歲,A年齡大我10年以上, 佢同屋企人住,唔洗比家用。

A脾氣差,我日日都要睇佢心情做人,幾乎每星期我都會因為好少事比佢鬧喊。而且佢每隔幾日就心情唔好,乜都睇唔順眼發我脾氣。

A唔中意做安全措施,無幾耐我就覺得身體不適去睇醫生,佢話我生椰菜花。個時A仲喊曬口話自己唔知。當時我冇怪佢,我自費去做治療(5位數)。

跟住比我發現原來佢之前有嫖妓,而且遠遠唔止1次,仲要係無戴套。同我拍拖其間都有msg某性工作者問佢係邊間房,不過佢話自己冇去到,而且有另外一位性工作者msg A話黎左香港想約佢。A以前試過一夜情,我更加發現原來佢ex有乙肝。A咁樣仲話估唔到自己竟然會有病,我個陣真係超嬲,但又好想笑點解有人天真到le個地步。


之後我提早幾個月通知A某日要做手術燒走d疣, 但A係我手術前幾星期話佢個日要出國 。我話要自己孤零零去做手術好慘,佢就爆我話唔係我隻狗,絕對唔會委屈自己為任何人做自己唔想做既野,閙我好自私要佢犧牲,而且個病冇得醫,做黎都無用。其實我無逼佢要係香港,只係心底希望佢有一絲為我改變計劃嘅念頭。


仲有次我約左醫生睇個個病,佢應承陪我,但點知去到要個朝我打比佢問佢出門未,佢鬧我嘈醒佢,叫我唔好去,佢要繼續訓。但 le d 醫生我約左好耐先約到。我好嬲,因為佢係罪灰禍首但竟然置身事外。

終於,我醒覺要遠離A,A話我離棄佢係我唔啱,更加覺得佢自己行為係無問題,怪我要求多。佢一聽到我以前D ex對我好就係咁鬧佢地係狗,我每次都好無言。乜男朋友對女朋友好就係狗?而且我份工超忙,曾經試過叫佢幫我打個電話問野,佢全日唔洗番工系屋企但連電話都冇幫我打過,試問我仲可以對佢有咩要求。


我承認我好需要安全感,陪伴同關心。同A一齊成日要忍受佢隨時隨地爆發既脾氣,好差嘅態度,又要接受佢自我中心,個段時間我已經一直壓抑住自己,盡力令自己成為佢理想中既女仔。

另外我知佢財政方面一直都有好大困難,戶口月月清,所以我從來都冇要求過佢帶我食貴野同買禮物比我,食親都普通餐廳同埋係AA。先唔講佢宜家三十幾歲人既財務狀況連要佢負擔自己生活開支都有困難,就連傾計個時我講笑咁講話以後如果一齊住廚房垃圾佢負責,佢都黑面話要輪住負責。

佢口口聽聽話好愛我,但我感覺其實佢最愛自己。le d 人真係可以過一世?

想問下大家究竟係我有問題定分手係正確。最後祝福A揾到個適合佢既女仔。仲想提醒各位要好好保護自己,唔好學我一失足成千古恨。

篇文好長,多謝大家睇曬,Sorry for 1999。

來源:couple.murmur




用戶評論