同男朋友一齊3年 先知佢原來輪x過女仔!

本站副編(二) 2020/09/20 檢舉 我要評論

同男朋友一齊咗3年多啲,一直都冇乜嘢,都係偶爾嗌下交咁,同其他情侶差唔多。平平淡淡咁就三年,一直都冇啲咩大事發生,連嗌交嗌到分手都冇試過。


去到近排,佢有一晚同我講去咗個friend到飲酒,我好信佢所以比佢去。咁佢就飲到醉曬咁返嚟啦,佢未完全暈曬嘅但係咁講啲九唔搭八嘅嘢。我一邊照顧佢仲一邊講「係係係」,原本對佢啲九唔搭八冇點上心,但我越聽越唔對路。

佢話「喂呀軒(同佢飲酒嗰個friend)!記唔記得中學條女呀,好撚正呀喂,(下省廢話)喂我第一次輪X人就比咗你啊屌,好撚正呀」我嗰下聽到呆咗,佢冇同我提過佢輪X人嘅事,去到瞓教嗰陣個腦都好空白。嗰晚我自己瞓床抌低咗佢喺梳化,我嗰下覺得佢好可怕,但我唔知佢係咪亂噏定係講真就留到第二日佢醒咗先問佢。


咁就第二日佢醒咗啦,我就問佢佢中學嗰陣過咪輪X過人,我問得好直接佢聽到佢個樣係嚇咗嚇,佢問我點知,我就話係佢琴晚自己醉酒講出嚟。佢同我講話係有呢件事,嗰個女仔係同佢同呀軒同班嘅同學,詳細唔講,但個女仔唔情願仲造成咗好大創傷,佢地仲要恐嚇咗個女仔。雖然話我琴晚已經做咗成晚心理建設但聽到清醒嘅佢講出嚟第一下都係有啲接受唔到。


佢有同我解釋話嗰陣同呀軒都係傻咗諗唔開先咁做,佢有好後悔。但我而家已經覺得佢好核突好嘔心,好想遠離佢好驚佢,話就話個個都有過去應該接受,但我真係接受唔到佢呢個過去。佢對我好好,係個好合格嘅男朋友。想問下大家有冇方法可以舒緩下個心結,真係唔想分手🙏🏻 (求下唔好畀啲「唔鐘意就quit囉」嘅on9嘢)

原文:couple.murmur

用戶評論