紐約停車場遇大媽「人肉霸車位」 女子廣東話英語夾雜一句KO

大佬来报道 2020/06/13 檢舉 我要評論

拍片者的車輛駛至大媽面前時,大媽用手指向後方,拒絕讓對方泊進車位。

有網民近日在facebook群組「馬路的事討論區」上載影片,拍片者的車輛駛至大媽面前時,大媽用手指向後方,拒絕讓對方泊進車位。片主向大媽表示「我哋到先喎」,又指「你人企喺度,但架車喺嗰度」,不滿她人肉霸佔車位,但大媽拒絕並堅持站在車位內,片主則指若她不願讓開,自己的車也不會駛離,「大家唔好走」。

雙方僵持下,大媽女兒從後方車輛前來加入罵戰,片主則用英語反問「你架車要泊位,定係你阿媽泊位呀?請你講出你的答案。如果係佢泊,請叫佢瞓喺度」。其後又再以廣東話向大媽說:「一啲禮貌都冇,你行喺度就話個位係你,我部車到先!」最後兩人見片主態度非常強硬,只好不忿氣地離去。

影片引起網上熱議,不少網民支持片主堅持不讓步,「做得好!幾時都唔應該容許!」、「完美ko大快人心」、「鬧得好!英文轉中文,中文再轉返英文又得」。有網民則笑言女人「鬧交戰鬥力」果然強勁,「 3 個女人一個墟!」。

用戶評論