「突發」吳綺莉忽爆料:我女兒有很多兄弟姊妹

本站副編(四) 2020/09/12 檢舉 我要評論

藝人吳綺莉(Elaine)自女兒吳卓林與Andi結婚搬出後,便過著獨居生活,近日佢就頻頻轉玩社交網同網友吹水,不過佢尋日就忽然上載一張「附薦」(註:盂蘭節時,寺、觀立紙位讓亡靈附上去受供、聽經的超度法事)相片,附薦上寫有吳卓林名字,供奉「故兄、弟、姊、妹」。

依家佢已經刪去發文。

吳綺莉更在社交網寫道:「我想除了我的孩子,走了的兄弟姊妹們應該也不小(少),保佑每一個靈魂。感恩每一天。感謝天父、感恩每一天。」即令網友熱論,以為佢係為自己親友做超度法事,不過吳綺莉隨即留言解釋:「說錯了,不是我,是我女兒有很多兄弟姊妹,農曆七月請個安。」但之後吳綺莉卻刪去發文。

吳綺莉育有一女兒吳卓林。

吳綺莉忽然大爆卓林有好多「兄弟姊妹」。

雖然如此,但仍有網友已截圖,並對「我女兒有很多兄弟姊妹」作出不同揣測,未知佢是否意有所指。吳綺莉則回覆東網說:「冇嘢,係盂蘭節幫親人做附薦啲嘢。」她及後再接受訪問,並解釋:「我有好多朋友有好多唔同宗教,我唔係佛教,我係基督教,有朋友做好心,話農曆七月做多啲嘢冇壞,唔係我本人,但朋友話我個女唔知有冇其他兄弟姊妹,我尋日擺上去(指社交網)希望大家唔好誤會,唔係我自己嘅事!」

佢解釋指係盂蘭節幫親人做附薦。




用戶評論