陳自瑤墮電郵騙局遭駭客勒索 IG被盜用直播[吸·毒]

本站總編 2020/07/31 檢舉 我要評論

無綫藝人陳自瑤墮網中招,其社交帳戶被盜用,甚至直播[吸·毒],更遭對方勒索500美元(約3,900港元)!帳戶累積了逾38萬的followers,她坦言為免縱容對方,不會付錢「贖回」帳戶,更承認自己太大意,呼籲大家小心!



藝人陳自瑤(Yoyo)墮入網絡圈套,被駭客盜用其社交戶口,更遭對方勒索金錢,對方更表明是以此手法賺錢,駭客除了更換了帳戶頭像、逐一刪除Yoyo帳戶內的照片外,更離譜到公然在其帳戶開直播[吸·毒],相當大膽。為免騙徒以其戶口再作不法用途,Yoyo昨日淩晨於另一社交平臺公開此事,並上載與駭客對話的截圖,火速留言謂:「緊急通知想告訴大家,今晚我的instagram被駭客入侵,拿走我的戶口,或勒索我要錢,才能拿回戶口,我的戶口已經被換上了那個男人的頭像,如果他用我的戶口向你們做任何不當的事,請小心,那個不是我!所以我要在這裏緊急通知大家,請大家注意!我正在找方法處理!」

一定唔會畀錢

Yoyo昨日淩晨接受訪問時表示,駭客正於其帳戶開Live[吸·毒],她說:「 佢hack咗我account之後,有齊曬我所有資料,相、電話、電郵,佢應該係之前假扮社交網人員send咗email畀我,叫我撳入條link重新認證個帳號,咁我就信咗!我依家諗番就覺得唔係,佢要我喺24小時內撳條link,如果唔係就close個account,咁我就梗係撳啦!可能就因為咁攞曬我啲資料!」Yoyo坦言已看不到自己的帳戶,但有朋友看到並通知她:「有朋友睇到佢(駭客)直播咗2分鐘,應該有300幾人睇咗個直播,佢仲不停刪走我啲相。」不消幾分鐘,對方已將其帳戶的相片全部刪走,相當快手。她說:「我想藉今次提醒大家要小心啲,我諗唔淨止我有呢啲情況發生,我唔會畀錢佢囉!因為呢啲人應該係冇錢,靠做呢啲衰嘢去勒索人哋,見你肯畀,有一次就會有第二次,同埋我朋友sent短訊問呢個人,佢話可以用錢買走我個帳戶,佢話個帳戶對佢唔重要,因為手頭上有好多帳戶。」

王浩信知老婆出事

Yoyo的帳戶累積了共38萬多的followers,昨日她再次受訪,問到情況有何進展?她表示已以正規程式傳了電郵到社交網一方,希望可以取回帳戶,她說:「我通知佢哋戶口被盜用咗,依家等緊回覆,今次覺得自己大意,有時就係有咁啱得咁蹺,我啱啱申請Ig個藍tick,佢又咁啱前兩日sent嘢叫我認證,就係時間啱啱好,咁就中咗招!」而王浩信被問到太太遭駭客入侵帳號及勒索金錢時,他表示知道Yoyo已Sent了電郵到社交網官方,現正等待處理及回覆!

用戶評論