巴士大媽一人戰全車　辱罵港人蠢材、乞兒　乘客齊喊：落車、落車

一名操口音大媽在巴士上辱罵同車乘客，直指香港人是「乞兒」。

有網民上載影片，影片顯示一名戴著太陽眼鏡的大媽，坐在上層位置，不時轉身向後面的乘客叫罵，「大陸叫你走呀！話你蠢材呀！話你整臭佢呀！」又稱「呢度China Hong Kong呀！人哋中國唔鍾意你呀」、「呢度全世界人地方呀，走啦人哋攆你走呀」。

有乘客則反駁，「你係中國人會講呢啲說話咩？」、「你咁唔鍾意香港，你咪落車囉」，但大媽卻回應「你叻呀，叻就唔使搞搞震啦，叻就唔使示威遊行啦，同特首講啦」，感到「黑人問號」的乘客就低聲問「關咩事啫」。

↓↓↓ 大媽戰全車乘客全記錄 ↓↓↓