美國制裁其實係好惡,不單止係凍結資產咁簡單...

本站副編(三) 2020/08/08 檢舉 我要评论

呢度,甚至全香港,好多人都以為美國制裁 就只係凍結你美國資產,唔俾你入境之類,如果冇美國資產又唔係美國人,最多去唔到美國。但其實美國認真制裁你個時,你係冇得玩。等我講你知。


首先,美國制裁就真係只可以係美國國內執行。呢種制裁唔同孟晚舟喺美國境內協助伊朗,被制裁者如果冇犯美國法。美國係冇得叫其他國家引渡制裁對象,更加冇得凍結佢嘅非美國資產。



如果個被制裁者的,我當係777先啦, 唔去美國,冇資產在美國,未即係冇影響?

當然唔係咁簡單。呢個制裁名單, 係會要求所有喺美國搵食嘅金融機構唔可以幫777服務,除非有特別批文,否則輕則罰款一千幾百萬美金,重則釘牌, 所以銀行正常唔會再受佢玩

但上面講咗,777冇喺美國有資產,咁佢最多唔可以用香港citibank,最最多未包埋hsbc,渣打呢d有喺美國搵食嘅bank。 我用永亨,吹咩。



嗱,最惡就喺跟住呢部份....

如果你間銀行協助制裁名單上嘅人或者國家組織,美國可以會制裁埋你間銀行。就算你永亨完全冇美國生意,但只要你間銀行有美金交易服務,你就一定會經美國本土嘅銀行做中轉settlement,包括匯款押匯美元基金離岸存款。而因為永亨被制裁,佢喺美國同業嘅交收用美金戶口會被凍結,而美國所有金融機構都唔會再幫佢交收美金。 簡單d講,呢間銀行喺同業間同死咗冇分別。所以, 只要涉及到美國制裁名單,全港所有金融機構係全部唔會做生意,一定係close account。


好啦,用返777同永亨個case。如果美國認真玩, 其中一個結果就係,全港甚至全世界正常地區嘅金融機構都close你777戶口,包括銀行股票行保險基金信用卡。

另一個結果就係 永亨繼續俾777用,但係永亨銀行從此俾美國廢咗9成,所以銀行同業都唔可以/唔敢同永亨往來。呢家中國同伊朗交易用嗰間咩崑崙銀行就係犧牲曬所有正常國際往來嚟專門服務伊朗。

如果美國玩認真,制裁香港某d人或者公司,並嚴格執行,究竟香港d金融機構會點反應,我好期待

用户评论
X
檢舉
請使用真實的郵箱如無法和您取得聯繫我們將無法對您的檢舉進行處理