建制派今午齊集立法會大堂，

為全民檢測宣傳造勢期間，

爭出位變成爭位，

只見「象哥」黃定光嫌梁美芬「遮住曬」，

要求她加入前面踎低行列，梁拒絕，

並在爭拗下向黃鬆踭，

黃氣極拉扯梁，最後元秋姐打圓場，

走去前排踎低，

讓出空位畀「鼠王芬」。

話說今日著裙嘅鼠王芬，

原本同象哥一齊企喺前排，

其後由於建制派議員人多，

唯有分成兩排影相。

其間民建聯「元秋」蔣麗芸即隔空施展獅吼功，

向企喺前排嘅梁美芬高喊：

「踎啊，美芬！」梁美芬則不為所動，

反嗌：「唔踎！」

加入叫梁美芬踎底行列，

但梁繼續企硬，

並向象哥話：「你可以企前面㗎！

我無阻你喎，你咪企前面囉！」

象哥此時更加扯火，

怒吼：「喂，妳係咪咁樣企啊？梁美芬！」

梁美芬聽到後似乎相當不耐煩，

一度用手踭叫象哥企前，

此時象哥終於嬲到爆煲，

出手大力扯梁美芬去較後位置，

令梁美芬即時嚇到嗌咗出嚟，

身邊嘅建制派議員睇到亦呆咗。

本文作backup及轉載之用，source：lihkg、hk..boy