香討女狂言: 教大家選擇高質男人,侍應、地盤、司機之類既基層男人多數同畜牲冇分別

本站副編(四) 2020/09/12 檢舉 我要評論

香港討論區有女會員狂言:  (警世)教各位師姐點樣選擇高質男人

我上過好多討論區 , 發現好多女人都有同一個問題 。 就係嫁錯人 !

結婚之後不停話自己老公唔上進 , 又話呢樣唔好嗰樣差 , 其實呢啲野唔能夠完全怪你老公 , 有咁既結果更大程度係 因為你地一開始就唔識得揀男人 ! 宜家我就教你地點樣分辨「優質」同「劣質」男人。


首先 , 要睇一個男人係「優質」定「劣質」 , 當然第一樣就係睇佢有冇頭腦 。要知道佢有冇腦 , 第一樣就係睇學歷 。第一次約會首先試探一下佢大學生活如何 , 如果佢支吾以對或者講到自相矛盾 , 甚至白癡到直接同你講 : 「唔好意思 , 我冇讀過大學 。」呢啲垃圾男人唔洗再理佢。呢個年代連大學都讀唔到既男人唔係「劣質貨」 , 直頭係垃圾 , 應該送去堆填區。但就算係大學畢業都唔一定係「優質」, 最多都係普通 , 仲要睇埋佢係咩學校畢業 , 如果係名校例如 HKU , Harvard , 劍橋 , UCL 之類呢啲當然唔洗諗多數優質啦。所以咩學校畢業都好重要。所以揀「高質」男人首先要睇佢咩野學歷背景。

就算佢學歷過到關都好啦 , 如果唔識揀職業既話都係冇用架。有好多女人揀埋啲咩侍應 , 地盤 , 保安之類既基層男人做老公 。要知道做基層班男人多數同畜牲冇分別 , 例如地盤佬咁 , 好多地盤佬成日粗口爛舌又成日叫雞 。 侍應 , 保安之類呢啲低技術工種係人都可以取締 , 呢啲工人工極低而且隨時會被人炒。

你地覺得呢種男人有安全感咩 ? 所以揀「優質」男人第二樣要睇既就係睇佢職業夠唔夠穩定同人工高唔高 。 所以 , 如果各位師姐想要揀荀盤男人最好係揀專業人仕好似醫生 , 律師 , 會計等等之類專業人仕都唔錯。 或者可以選擇企業中上的管理階層 , 總之千其 ! 千其 ! 千其 ! 唔好揀基層男人 , 否則你會後悔一生 。

再黎就係品味。 正所謂「人靠衣裝」 , 你都唔想拖住一個成身U記 , 錶都冇隻 , 出入仲要搭巴士搭黨鐵既男友去見親戚朋友架嘛 , 博俾姊妹笑咩。作為一個合格既男人至少都應該要有返隻勞先順眼 , 出入有部 C200 , Z4 之類級數既車係必須啦 , 摣部錢七過黎接你收工食飯嗰啲唔該叫佢返屋企。

最後 , 學歷同職業過到關都唔一定合格。要睇埋佢有冇內涵。就算一個人學歷同職位再高都好 , 佢都係一件賺錢機器。所以一個合格既男人應該要有內涵 , 咩叫內涵 ? 好似識得煮嚇野食品嚇酒 , 欣賞嚇啲藝術或者對時事發表一些看法之類等等都可以算係有內涵 , 大家都識得品味生活 , 有談資就最好。呢啲叫內涵。

所以 , 我認為女人揀男人最少應符合以上幾個條件 , 而唔係見到有男人不論好醜追你都應承 , 咁係對自己不負責任 , 祝各位師姐都找到自己幸福。

來源:https://ladies.discuss.com.hk/viewthread.php?tid=29116104&extra=page%3D2

用戶評論